​തന്റെ വീട്ടിൽ ആ,ട്ടും തു,പ്പും കേട്ടാണ് തങ്ങൾ നിൽക്കുന്നത് എന്നിട്ടാണ് ഇയാൾ ഇങ്ങനെയൊക്കെ പറയുന്നത്.. സെൽഫ് റെസ്‌പെക്ടില്ലാത്ത അയാളോട് വല്ലാത്ത ദേഷ്യം തോന്നി അവൾക്ക്…..

Story written by Jk

“എനിക്കിനി ഇവിടെ നിൽക്കാൻ പറ്റില്ല.. നമുക്ക് ഇവിടന്ന് ഇറങ്ങാം.. വല്ലടത്തും വാടകക്കും പോകാം എന്നാലും അതിനൊരു അന്തസ്സ് ഉണ്ട്!”

​രചന അത് പറയുമ്പോൾ ഒന്നും മിണ്ടാതെ ഇരുന്നു സുരേഷ്…

​” എടി അങ്ങനെ വാടക വീട് എടുത്തു പോകുന്നത് ചില്ലറ കാര്യം ഒന്നുമല്ല!! നമ്മൾ ഒന്നെന്ന് തുടങ്ങേണ്ടിവരും!! അതൊന്നും ശരിയാവില്ല!”

​സുരേഷ് പറഞ്ഞു അത് കേട്ടപ്പോൾ രചനയ്ക്ക് അറപ്പാണ് തോന്നിയത്..

​തന്റെ വീട്ടിൽ ആ,ട്ടും തു,പ്പും കേട്ടാണ് തങ്ങൾ നിൽക്കുന്നത് എന്നിട്ടാണ് ഇയാൾ ഇങ്ങനെയൊക്കെ പറയുന്നത്.. സെൽഫ് റെസ്‌പെക്ടില്ലാത്ത അയാളോട് വല്ലാത്ത ദേഷ്യം തോന്നി അവൾക്ക്..

​നാലുവർഷം മുൻപാണ് സുരേഷിന്റെയും രചനയുടെയും വിവാഹം കഴിഞ്ഞത് സുരേഷിന് ഗൾഫിൽ ആണ് ജോലി..

​ആദ്യത്തെ കുറച്ചുദിവസം സുരേഷിന്റെ വീട്ടിൽ പോയി നിന്നു പിന്നെ അവിടെ നിന്ന് രചനയെയും കൊണ്ട് സുരേഷ് അവളുടെ വീട്ടിലേക്ക് പോയി..

അവളുടെ വീട്ടിൽ അവളുടെ ആങ്ങളയും ഭാര്യയും അച്ഛനും അമ്മയും ഒരു അനിയത്തിയും ആണ് ഉണ്ടായിരുന്നത്…

​ആദ്യമൊക്കെ അവർ അവരെ നന്നായി സ്വീകരിച്ചു.. പിന്നെ അവർ അവിടെ സ്ഥിരം നിൽക്കുകയാണ് എന്നറിഞ്ഞപ്പോൾ അവരുടെ എല്ലാം ഭാവം മാറി…

അതുകഴിഞ്ഞ് ഗർഭിണിയായ രചനയെ അവിടെ നിർത്തിയിട്ട് സുരേഷ് വീണ്ടും ഗൾഫിൽ പോയി..

ഗൾഫിൽ നിന്ന് ചെറിയ ഒരു തുക മാസം മാസം സുരേഷ് അയക്കുമായിരുന്നു..

രചന അത് മുഴുവൻ അവിടുത്തെ ചിലവിന് കൊടുത്തു അതുകൊണ്ട് മാത്രം അവൾക്ക് അവിടെ പിടിച്ചു നിൽക്കാൻ പറ്റി.

​രചനയുടെ പ്രസവം കഴിയുന്നതുവരെ സുരേഷ് ഗൾഫിൽ ആയിരുന്നു പിന്നീട് ഗൾഫിലെ ജോലി ഉപേക്ഷിച്ചു നാട്ടിൽ തിരിച്ചെത്തി…

അതോടെ അവിടുത്തെ മുറുമുറുപ്പ് കൂടുതലായി.. രചന അപ്പോൾ മുതൽ പറയുന്നതാണ് സുരേഷിനോട് സുരേഷിന്റെ വീട്ടിലേക്ക് പോകാം എന്ന്.. എന്നാൽ സുരേഷ് അത് സമ്മതിച്ചില്ല..

​എന്തോ നിസ്സാര കാര്യത്തിന് അച്ഛനോടും അമ്മയോടും എന്തോ തെറ്റിൽ ആയിരുന്നു സുരേഷ്…

അതുകൊണ്ടുതന്നെ അവരോട് മിണ്ടാൻ അയാൾക്ക് താല്പര്യമുണ്ടായിരുന്നില്ല… അതേ സുരേഷ്ഇ വിടെ, രചനയുടെ വീട്ടിൽ അതിലും വലിയ പ്രശ്നങ്ങൾ ഉണ്ടായിട്ടും അതൊന്നും കേട്ടില്ല എന്ന് നടിച്ചു..

​ഇത് പോരാഞ്ഞ് രചനയുടെ അച്ഛനെയും ചേട്ടനെയും പരസ്പരം തെറ്റിക്കാനായി പല കളികളും കളിച്ചു..

അച്ഛന്റെ അരികിൽ പോയി ഏട്ടന്റെ കുറ്റം പറയുക ഏട്ടന്റെ അടുത്തുപോയി അച്ഛനെ മോശക്കാരനായി ചിത്രീകരിക്കുക എന്നിങ്ങനെ .

എല്ലാവരും അതെല്ലാം പരസ്പരം അറിഞ്ഞതും, അത് വലിയ പ്രശ്നമായി ഒടുവിൽ രചനയുടെ അച്ഛൻ അയാളോട് ഇറങ്ങിപ്പോകാൻ വരെ പറഞ്ഞു എന്നിട്ടും അവിടെ കടിച്ചുപിടിച്ചു നിന്നു ..

​രചനയ്ക്കു വരെ അത് ബുദ്ധിമുട്ടായി തോന്നി അവൾ അയാളോട് അവിടെനിന്ന് പോകാം എന്ന് പറഞ്ഞു പക്ഷേ അയാൾക്ക് അത് സമ്മതമായിരുന്നില്ല കുറെ പറഞ്ഞു നോക്കി ഒടുവിൽ അവൾ കുട്ടികളെയും കൂട്ടി അയാളുടെ വീട്ടിലേക്ക് പോയി..

അതോടെ അയാൾക്ക് വേറെ വഴി ഇല്ലാതെ ആയി, അയാൾ സ്വന്തം വീട്ടിലേക്ക് എത്തി…

​അയാളുടെ വീട്ടിലേക്ക് എത്തിയപ്പോൾ അയാളുടെ അച്ഛനും അമ്മയും അയാളോട് ഗൾഫിലേക്ക് തന്നെ തിരികെ പോകാൻ ആവശ്യപ്പെട്ടു..

നാട്ടിൽ നിന്നിട്ടുണ്ടെങ്കിൽ ആ കുട്ടികളെയും കൂട്ടി വീണ്ടും അവളുടെ വീട്ടിലേക്ക് പോകും എന്ന് അവർക്കറിയാം കാരണം അയാളുടെ ലക്ഷ്യം അവളുടെ ആ വീട് ആയിരുന്നു.

ടൗണിന്റെ ഒത്ത നടുക്ക് രണ്ടുനില വലിയ വീടായിരുന്നു അവളുടെ.. അത് കിട്ടാനുള്ള ഐഡിയ ആയിരുന്നു എല്ലാവരെയും തെറ്റിച്ച് മെല്ലെ അമ്മായിഅപ്പനോട് കൂട്ടുകൂടി അത് സ്വന്തമാക്കാം എന്നത്..

​അതിനേക്കാൾ സ്വന്തം അഭിമാനമാണ് വലുത് എന്ന് വീട്ടുകാർ അവനോട് പരിഹാസത്തോടെ പറഞ്ഞു…

​ഇനി നാട്ടിൽ നിന്നാൽ ശരിയാവില്ല എന്ന് കരുതി അയാൾ ഗൾഫിലേക്ക് പോയി. അത് തന്നെയാണ് നല്ലത് എന്ന് രചനയും കരുതി..

​സുരേഷ് വിമാനം കയറി പോയതോടെ രചനയ്ക്ക് വലിയൊരു ആശ്വാസമാണ് തോന്നിയത്. അവളുടെ മനസ്സിലെ ഭാരമെല്ലാം ഒരു നിമിഷം കൊണ്ട് ഇറങ്ങിപ്പോയതുപോലെ തോന്നി.

സ്വന്തം വീട്ടിൽ വെച്ച് സുരേഷ് കാണിച്ചുകൂട്ടിയ കോപ്രായങ്ങളും തറവേലകളും ഓർക്കുമ്പോൾ ഇപ്പോഴും അവൾക്ക് അറപ്പും ദേഷ്യവുമാണ് വന്നിരുന്നത്….

മറ്റുള്ളവരുടെ സ്വത്ത് തട്ടിയെടുക്കാൻ വേണ്ടി ഒരാൾക്ക് ഇത്രയും താണ തലത്തിലേക്ക് ഇറങ്ങാൻ കഴിയുമോ എന്ന് അവൾ ചിന്തിച്ചുപോയി.

താൻ കെട്ടിയ ഭർത്താവിന് ഇത്രയും വലിയൊരു ചതിയന്റെ മനസ്സുണ്ടായിരുന്നു എന്ന് തിരിച്ചറിയാൻ നാല് വർഷം വേണ്ടി വന്നു.

​സുരേഷ് ഗൾഫിലേക്ക് പോയതിനു ശേഷം രചന തന്റെ കുട്ടികളുമായി സുരേഷിന്റെ വീട്ടിൽ തന്നെയാണ് നിന്നത്. സുരേഷിന്റെ അച്ഛനും അമ്മയ്ക്കും മകന്റെ സ്വഭാവം നന്നായി അറിയാമായിരുന്നത് കൊണ്ട് അവർക്ക് രചനയോട് വലിയ അനുകമ്പയായിരുന്നു.

മകൻ ചെയ്ത തെറ്റുകൾക്ക് അവർ രചനയോട് ക്ഷമ ചോദിച്ചു. “മോളേ, അവൻ ചെയ്തതിനൊന്നും നിന്നെ ഞങ്ങൾ കുറ്റം പറയില്ല. അവൻ ഞങ്ങളുടെ മകനാ ണെങ്കിലും അവന്റെ ഉള്ളിലെ ദുരാഗ്രഹം ഞങ്ങൾക്ക് നേരത്തെ അറിയാമായിരുന്നു. അതുകൊണ്ടാണ് ഞങ്ങൾ അവനോട് വീണ്ടും വിമാനം കയറി പോകാൻ നിർബന്ധിച്ചത്.

നിനക്ക് ഇനി ധൈര്യമായി ഇവിടെ നിൽക്കാം,” എന്ന് അമ്മായിയപ്പൻ രചനയോട് പറഞ്ഞു.

​ആ വാക്കുകൾ രചനയ്ക്ക് വലിയൊരു ആശ്വാസമായിരുന്നു. തന്റെ സ്വന്തം വീട്ടിൽ സുരേഷ് ഉണ്ടാക്കി വെച്ച നാണക്കേടുകൾ കാരണം അവൾക്ക് അങ്ങോട്ട് തിരികെ പോകാൻ വലിയ മടിയായിരുന്നു.

വീട്ടുകാരുടെ മുന്നിൽ തലയുയർത്തി നിൽക്കാൻ അവൾക്ക് കഴിയുമായിരുന്നില്ല. ചേട്ടന്റെയും നാത്തൂന്റെയും മുന്നിൽ തന്റെ ഭർത്താവ് കാരണം താൻ നാണംകെട്ടു.

അച്ഛനും അമ്മയും എത്രത്തോളം വിഷമിച്ചു കാണും എന്ന് ഓർക്കുമ്പോൾ അവളുടെ നെഞ്ച് പിടഞ്ഞു.

​സുരേഷ് ഗൾഫിൽ എത്തിയ ശേഷം ദിവസവും രചനയെ വിളിക്കാൻ തുടങ്ങി. പക്ഷേ മുൻപത്തെപ്പോലെ അധികാരത്തോടെയോ കളിയാക്കലോടെയോ സംസാരിക്കാൻ അയാൾക്ക് കഴിഞ്ഞില്ല.

അയാൾ സ്വയം കുറച്ചൊക്കെ മാറി എന്ന രീതിയിലാണ് സംസാരിച്ചത്. “രചനാ, ഞാൻ അവിടെ എത്തിയിട്ട് ജോലിയിൽ പ്രവേശിച്ചു. പഴയ കാര്യങ്ങളൊക്കെ നീ വിട്ടേക്ക്. ഇനി നമുക്ക് പുതിയൊരു ജീവിതം തുടങ്ങണം,” എന്ന് അയാൾ ഫോണിലൂടെ പറഞ്ഞു. പക്ഷേ രചന അതൊന്നും വിശ്വസിക്കാൻ തയ്യാറായിരുന്നില്ല.

കാരണം ഒരു മനുഷ്യന്റെ സ്വഭാവം അത്ര പെട്ടെന്ന് മാറില്ല എന്ന് അവൾക്ക് അനുഭവത്തിൽ നിന്ന് അറിയാമായിരുന്നു. “നിങ്ങൾ അവിടെ കിടന്ന് ജോലി ചെയ്ത് ഉണ്ടാക്കുന്ന കാശ് കൊണ്ട് കുടുംബം നോക്കാൻ നോക്ക്. അല്ലാതെ മറ്റുള്ളവരുടെ സ്വത്ത് എങ്ങനെ തട്ടിയെടുക്കാം എന്ന് ഇനി ചിന്തിക്കേണ്ട. എന്റെ വീട്ടിലേക്ക് ഇനി നിങ്ങളുടെ കണ്ണുപോയാൽ അത് നല്ലതിനായിരിക്കില്ല,” എന്ന് അവൾ തുറന്നടിച്ചു പറഞ്ഞു.

​അതുകേട്ട് സുരേഷ് ഫോണിലൂടെ ദേഷ്യപ്പെടാൻ ശ്രമിച്ചെങ്കിലും രചന അതൊന്നും കാര്യമാക്കിയില്ല. അവൾ ഫോൺ കട്ട് ചെയ്തു. പിന്നീട് കുറച്ചു ദിവസത്തേക്ക് അവൾ അയാളുടെ ഫോൺ കോളുകൾ എടുതില്ല.

​അതിനിടയിൽ ഒരു ദിവസം രചന തന്റെ സ്വന്തം വീട്ടിലേക്ക് പോകാൻ തീരുമാനിച്ചു. അച്ഛനെയും അമ്മയെയും ചേട്ടനെയും ഒക്കെ നേരിട്ട് കണ്ട് സംസാരിക്കണം, സുരേഷ് ചെയ്ത തെറ്റുകൾക്ക് മാപ്പ് പറയണം എന്ന് അവൾക്ക് ഉണ്ടായിരുന്നു..

. കുട്ടികളെയും കൂട്ടി അവൾ സ്വന്തം വീട്ടിലേക്ക് ചെന്നു. വീടിന്റെ ഉമ്മറത്ത് അച്ഛനും അമ്മയും ഇരിപ്പുണ്ടായിരുന്നു. രചനയെയും കുട്ടികളെയും കണ്ടപ്പോൾ അവരുടെ മുഖത്ത് സന്തോഷം വന്നു. ​രചന അകത്തേക്ക് കയറി അച്ഛന്റെയും അമ്മയുടെയും കാലിൽ തൊട്ട് തൊഴുതു. “എന്നോട് ക്ഷമിക്കണം അച്ഛാ, ഇയാൾ കാരണം എന്റെ കുടുംബത്തിൽ ഉണ്ടായ പ്രശ്നങ്ങൾക്കൊക്കെ കാരണം ഞാനാണ്. അയാൾക്ക് ഇത്രയും വലിയൊരു ബുദ്ധിയുണ്ടായിരുന്നു എന്ന് ഞാൻ അറിഞ്ഞില്ല,” എന്ന് പറഞ്ഞ് അവൾ കരഞ്ഞു.

​അച്ഛൻ അവളെ പിടിച്ച് എഴുന്നേൽപ്പിച്ചു. “മോളേ, നീ എന്തിനാ കരയുന്നത്? നിന്നെയോർത്ത് ഞങ്ങൾക്ക് ഒരു ദേഷ്യവുമില്ല. ആ സുരേഷിന്റെ സ്വഭാവം ഞങ്ങൾ വൈകിയാണെങ്കിലും മനസ്സിലാക്കി. അവന്റെ മനസ്സിൽ എന്തായിരുന്നു എന്ന് അവൻ കാണിച്ച വികൃതികളിൽ നിന്ന് തന്നെ ഞങ്ങൾക്ക് മനസ്സിലായി. നീ അതിൽ സ്വയം കുറ്റപ്പെടുത്തേണ്ട. നീ ആ സമയത്ത് സ്വന്തം ഭർത്താവിനെ ഉപേക്ഷിച്ച് നിന്റെ കുട്ടികളെയും കൂട്ടി അവന്റെ വീട്ടിലേക്ക് തിരിച്ചു പോയല്ലോ, അത് തന്നെയാണ് നീ ചെയ്ത ഏറ്റവും വലിയ കാര്യവും ശരിയും,” എന്ന് അച്ഛൻ പറഞ്ഞു.

​ചേട്ടനും നാത്തൂനും അടുത്തേക്ക് വന്നു. ചേട്ടൻ രചനയുടെ തോളിൽ തട്ടി പറഞ്ഞു, “അതെ രചനാ, നിന്റെ ഭർത്താവ് എന്റെയും അച്ഛന്റെയും ഇടയിൽ വന്ന് ഓരോന്ന് പറഞ്ഞ് ഞങ്ങളെ തെറ്റിക്കാൻ നോക്കിയപ്പോൾ ആദ്യം ഞങ്ങൾ അത് വിശ്വസിച്ചു പോയി. പക്ഷേ അല്പം വൈകിയാണെങ്കിലും സത്യം പുറത്തുവന്നല്ലോ. അവനെപ്പോലെയുള്ള ആളുകളോട് ദയ കാണിക്കേണ്ട കാര്യമില്ല. നീ ധൈര്യമായിരിക്ക്, നിനക്കും മക്കൾക്കും എപ്പോഴും ഈ വീട്ടിൽ സ്ഥാനമുണ്ട്.”

​വീട്ടുകാരുടെ ആ വാക്കുകൾ കേട്ടപ്പോൾ രചനയുടെ മനസ്സിലെ വലിയൊരു ഭാരം ഒഴിഞ്ഞുപോയി. അവൾക്ക് തന്നോട് തന്നെ ബഹുമാനം തോന്നി.

സുരേഷിന്റെ കൂടെ ആ വീട്ടിൽ കടിച്ചുതൂങ്ങി നിൽക്കാതെ, സ്വന്തം അന്തസ്സ് ഉയർത്തിപ്പിടിച്ച് അവിടെനിന്ന് ഇറങ്ങിപ്പോരാൻ കാണിച്ച ആ ധൈര്യമാണ് ഇന്ന് തന്റെ കുടുംബത്തെ തന്നിലേക്ക് അടുപ്പിച്ചത് എന്ന് അവൾക്ക് മനസ്സിലായി.

​ഏതാനും മാസങ്ങൾ കടന്നുപോയി. സുരേഷ് ഗൾഫിൽ നിന്ന് പണം അയച്ചു കൊടുക്കാൻ തുടങ്ങി. പക്ഷേ രചന ആ പണം മാത്രം പ്രതീക്ഷിച്ച് ജീവിക്കാൻ തയ്യാറായിരുന്നില്ല.

സ്വന്തം കാലിൽ നിൽക്കണമെന്ന ചിന്ത അവളിൽ ശക്തമായി. കുട്ടികൾ വലുതായി വരികയാണ്. സുരേഷിനെ മാത്രം വിശ്വസിച്ച് മുന്നോട്ട് പോയാൽ നാളെ വീണ്ടും ഇതുപോലെ എന്തെങ്കിലും കുഴപ്പങ്ങളിൽ ചെന്ന് ചാടും എന്ന് അവൾക്ക് ഉറപ്പായിരുന്നു.

​അതുകൊണ്ട് അവൾ തന്റെ പഴയ പഠിത്തവും കഴിവുകളും ഉപയോഗിച്ച് ജോലി കണ്ടെത്താൻ തീരുമാനിച്ചു. ഒരു പ്രാദേശിക സ്കൂളിൽ അധ്യാപികയായി അവൾക്ക് ജോലി ലഭിച്ചു. അത് ചെറിയൊരു തുടക്കമായിരുന്നു എങ്കിലും സ്വന്തമായി അധ്വാനിച്ചു ഉണ്ടാക്കുന്ന പണം നൽകിയ ആത്മാഭിമാനം ചെറുതായിരുന്നില്ല.

സ്കൂളിൽ പോകാൻ തുടങ്ങിയതോടെ അവളുടെ ചിന്തകളും മാറി. ജീവിതത്തിൽ സ്വന്തമായി ഒരു വിലാസം ഉണ്ടാക്കിയെടുക്കണം എന്ന ആഗ്രഹം അവളിൽ വളർന്നു.
​സുരേഷിന്റെ അച്ഛനും അമ്മയും അവൾക്ക് എല്ലാ പിന്തുണയും നൽകി. സുരേഷ് നാട്ടിൽ വരുമ്പോൾ ഇനി പഴയതുപോലെ പെരുമാറാൻ കഴിയില്ല എന്ന് അവർ അവനോട് ഫോണിലൂടെ കർശനമായി പറഞ്ഞു.

“നീ നാട്ടിൽ വരുമ്പോൾ രചനയുടെ ജോലി കാര്യങ്ങളിലും അവളുടെ തീരുമാനങ്ങളിലും ഇടപെടാൻ നിൽക്കണ്ട. നീ ഉണ്ടാക്കിയ നാണക്കേട് മാറ്റാൻ അവൾ ഒറ്റയ്ക്ക് അധ്വാനിക്കുകയാണ്. ഇനി അവളെ ബുദ്ധിമുട്ടിച്ചാൽ ഞങ്ങൾ നിന്നെ ഈ വീട്ടിൽ കയറ്റില്ല,” എന്ന് അവർ മകന് താക്കീതു നൽകി.

​രണ്ടു വർഷത്തിന് ശേഷം സുരേഷ് ലീവിന് നാട്ടിൽ തിരിച്ചെത്തി. പക്ഷേ പഴയ സുരേഷ് ആയിരുന്നില്ല അയാൾ. അയാളുടെ ഗർവ്വും അഹങ്കാരവും ഒക്കെ ഒടുങ്ങിയിരുന്നു. രചന സ്വന്തം കാലിൽ നിൽക്കുന്നത് കണ്ടപ്പോഴും, സ്വന്തം വീട്ടുകാർ പോലും അവൾക്ക് ഒപ്പമാണ് എന്ന് മനസ്സിലാക്കിയപ്പോ പിന്നെ അയാൾ തന്നെ ഉടായിപ്പ് മനസ്സിൽ തന്നെ ഒതുക്കി,.
ഇനിയും ആ വീടും സ്വപ്നം കണ്ട് നടന്നാൽ തന്റെ ഉള്ള കുടുംബം കൂടി തകരും എന്ന് അയാൾക്ക് മനസ്സിലായി..

​സുരേഷ് രചനയുടെ അടുത്തേക്ക് വന്ന് എളിയ രീതിയിൽ സംസാരിച്ചു. “രചനാ, ഞാൻ ചെയ്തതൊക്കെ തെറ്റായിരുന്നു എന്ന് എനിക്ക് ഇപ്പോൾ മനസ്സിലാകുന്നുണ്ട്. മറ്റുള്ളവരുടെ പണത്തോടും സ്വത്തിനോടുമുള്ള ആഗ്രഹം കൊണ്ട് എന്റെ ബുദ്ധി നശിച്ചുപോയതാണ്. നീ എന്നോട് ക്ഷമിക്കണം. നമുക്ക് ഇനി മക്കളെ നന്നായി വളർത്താം,” എന്ന് അയാൾ പറഞ്ഞു.

“” നിങ്ങളെ ഞാൻ വിശ്വസിച്ചിട്ട് ഒന്നുമില്ല…. പക്ഷേ എനിക്ക് എന്തെങ്കിലും ഒരു പ്രശ്നം ഉണ്ടായാൽ നിങ്ങളുടെ സ്വന്തം അച്ഛനും അമ്മയും നിങ്ങളുടെ കൂടെ നിൽക്കുന്നതിനേക്കാൾ നന്നായി എന്റെ കൂടെ ഉണ്ടാകും എന്ന് എനിക്ക് ഉറപ്പുണ്ട് ആ ഒരു ധൈര്യത്തിൽ മാത്രം ഞാൻ ഇവിടെ പിടിച്ചു നിൽക്കും! നിങ്ങളുടെ കുത്തിത്തിരിപ്പും കൊണ്ട് ഇനിയും ഞങ്ങൾക്കിടയിലേക്ക് വന്നിട്ടുണ്ടെങ്കിൽ ഉറപ്പായും നിങ്ങൾക്ക് പിന്നെ ആരും ഇവിടെ ഉണ്ടാവില്ല”””
അവൾ പറഞ്ഞു നിർത്തി അതതിനുശേഷം മര്യാദ രാമൻ ആയി തന്നെയായിരുന്നു സുരേഷിന്റെ ജീവിതം അല്ലെങ്കിൽ ഉള്ളതും കൂടി കൈവിട്ടു പോകും എന്ന് അയാൾക്ക് ഉറപ്പുണ്ടായിരുന്നു കിട്ടാത്ത മുന്തിരിക്ക് എപ്പോഴും പൊളി തന്നെയാണ് എന്ന് അയാൾ മനസ്സിലാക്കി.

​